Reviews Articles Downloads Links
 

.::||[ آخر المشاركات ]||::.
صلوا على الحبيب المصطفى عند ال... [ الكاتب : ود باب الله - آخر الردود : أمين عبدالله سيدأحمد - عدد الردود : 511 - عدد المشاهدات : 27193 ]       »     تباً لدار لا يدوم نعيمها ... [ الكاتب : هجربي أصلي - آخر الردود : عمر حسن محمد ادريس - عدد الردود : 1 - عدد المشاهدات : 726 ]       »     يوم الحشر ؟؟؟؟؟ [ الكاتب : هجربي أصلي - آخر الردود : عمر حسن محمد ادريس - عدد الردود : 1 - عدد المشاهدات : 599 ]       »     بشري سارة للاخوة المغتربين بمد... [ الكاتب : عثمان سيد علي سمل - آخر الردود : عثمان سيد علي سمل - عدد الردود : 0 - عدد المشاهدات : 221 ]       »     اوعاك تغرك دنيتك وتقوم نخرتك ت... [ الكاتب : هجربي أصلي - آخر الردود : عمر حسن محمد ادريس - عدد الردود : 2 - عدد المشاهدات : 290 ]       »     قصة امونة المحزنه ؟؟؟؟؟ [ الكاتب : هجربي أصلي - آخر الردود : عمر حسن محمد ادريس - عدد الردود : 1 - عدد المشاهدات : 429 ]       »     جوازات السفر ؟؟؟؟؟ [ الكاتب : هجربي أصلي - آخر الردود : عمر حسن محمد ادريس - عدد الردود : 34 - عدد المشاهدات : 1517 ]       »     أسفاى على السعد الرحل ؟؟؟؟؟ [ الكاتب : هجربي أصلي - آخر الردود : عمر حسن محمد ادريس - عدد الردود : 1 - عدد المشاهدات : 615 ]       »     القولد الغراء [ الكاتب : عمر حسن محمد ادريس - آخر الردود : عمر حسن محمد ادريس - عدد الردود : 0 - عدد المشاهدات : 116 ]       »     سجل دخولك بفاتحه الكتاب [ الكاتب : gedo - آخر الردود : أبورهــــف - عدد الردود : 2 - عدد المشاهدات : 753 ]       »    




العودة   منتديات القولد > المنتديات الاجتماعية > منتدى الاسرة و عالم حواء

إضافة رد
 
أدوات الموضوع انواع عرض الموضوع
قديم 03-22-2012, 08:37 PM   رقم المشاركة : 1
احمدابوسامح
Moderator
 
الصورة الرمزية احمدابوسامح





احمدابوسامح غير متواجد حالياً

افتراضي كلام حبوبات

مصطلحات سودانية منسية مع مرور الزمن وشبه انعدمت مع التقدم والعولمة
وكانت مستخدمة في الاجيال السابقة زمن حبوباتنا رحمهن الله وبعض من الامهات ولكن لو جيت مسكت الاجيال الحالية وسألت واحدة او واحد معني اي مصطلح من هذه المصطلحات يقعد يفكر ويمكن ما يعرفها وانا شخصيا حصل معي موقف لما زرت السودان من كم سنة وسألت البعض عنها فوجدتهن لا يعرفن شي عنها وقالوا الزمن اتغير
المهم تعالوا نشوفها وعلي سبيل المثال لا الحصر
1 / المعراكة : بضم الميم يعني شنو المعراكة هي قطعة من القماش لزوم مسح الصاج قبل العواسة وتسمي البسديق بضم الباء
واكيد محدش بيعرفها عارفين ليه لانوا محدش بتعوس اصلا
2 / الخمارة : بضم الميم وهو عبارة عن إناء مصنوع من الفخار لتخمير العجين للعواسة برضوا شبة انعدمت
3 / السيارة لاتفتكرونها انها العربية طبعا لا هي فعلا السيارة الطايووق ( ولا اعرف يعني ايه الطايووق ) ولكن هو ما يمسح به الصاجة والصاجة نفسها اسمها الدوكة برضوا انعدمت او تغير شكلها وبقت من التيفال الفرنسي الاصلي وبقت كمان تستخدم فوق البتوجاز وكمان شفت صاجة اقصد دوكة فيها موزع للحرارة تلاقي فيها دوائر من ناحية النار فوق البتوجاز
تعيش كثير تشوف كثير اليس هذا بالتكنلوجيا
4 / اللداية وجمعها اللدايات وهي عبارة عن اربعة او ثلاث قطع مصنوعة من الطين مثل الطوب او الحجر كان يوضع فيها الحلة او الصاجة لزوم رفعها عن النار وتوقد النار تحت الحلة



تابعونا
تشوف العجب







التوقيع

ربي أجعلني مقيم الصلاة ومن ذريتي ربنا وتقبل دعاء

    رد مع اقتباس
قديم 03-22-2012, 11:52 PM   رقم المشاركة : 2
احمدابوسامح
Moderator
 
الصورة الرمزية احمدابوسامح





احمدابوسامح غير متواجد حالياً

افتراضي

تعالوا بقي هنا في شوية اسماء ومصطلحات حلوة برضوا وقديمة

5 / المشعليب : اها دي مافي حد شافها في زمنا دا وهو عبارة عن علاقة مصنوعة من حبل او سعف الجريد دي لازم ليها صورة عشان ما قادر اوصفها

نقرتين لعرض الصورة في صفحة مستقلة

اعتقد كدة واضح كانوا بيعلقوا فيه باقي الاكل في حلة برة في الهنبريب عشان ما يخرب يعني ثلاجة المساكين

6 / التبروقة : مصنوعة برضوا من سعف الجريد زي البرش دا لو كنتوا عارفين البرش البرش دا كمان ها نشرحوا لا بسيطة البرش كان بيتفرش في السرير زي المرتبة كدة
اها التبروقة دي يعني المصلاية برش الصلاة يعني
7 / العنقريب : طبعا معروف وهو السرير
8 / السعن : برضوا دي ما صعبة وهو جلد الماعز بعد تجهيزه من دباغة وربط ويوضع فيه الماء او اللبن والكبير منوا يسمي قربه بكسر القاف وتستخدم للماء في المناسبات
نقرتين لعرض الصورة في صفحة مستقلة




تابعونا عن قريب







التوقيع

ربي أجعلني مقيم الصلاة ومن ذريتي ربنا وتقبل دعاء

آخر تعديل احمدابوسامح يوم 03-23-2012 في 12:10 AM.
    رد مع اقتباس
قديم 03-22-2012, 11:53 PM   رقم المشاركة : 3
Mutawkil M
.:: عضو متمـيّز ::.
 
الصورة الرمزية Mutawkil M





Mutawkil M غير متواجد حالياً

افتراضي

مشكور ابوسامح علي طرح الموضوع .طيب يا ابو سامح مع انو انت يظهر لي حتكون اكبر مني والمثل بيقول اكبر منك بي يوم اعرف منك بي سنة. عرف الاتي1-البروه بي فتح الباء .2-الفروه بي فتح الفاء .3- الكشر بي ضم الكاء . 4- الدونكاء.5-الجفان .5- الواوير.6- العرديب ((ليس هو المشروب )).7-الشده ((جمع شدات وليس شدائد)).8-القورموجتان.9-الماروق.9-الاورم 10- الببل بي ضم الباء.11-الككر .12-البق بق بي ضم الباء 13-المقسان 14-الكروووق. 15-الكبك بي فتح الباء .16- الشرقرق.17-المنقاش.بي ضم الميم.18-العرقووب .






التوقيع

((كن صادق مع ربك )).
    رد مع اقتباس
قديم 03-23-2012, 12:04 AM   رقم المشاركة : 4
Mutawkil M
.:: عضو متمـيّز ::.
 
الصورة الرمزية Mutawkil M





Mutawkil M غير متواجد حالياً

افتراضي

اقتباس:
المشاركة الأصلية كتبت بواسطة احمدابوسامح مشاهدة المشاركة
تعالوا بقي هنا في شوية اسماء ومصطلحات حلوة برضوا وقديمة

5 / المشعليب : اها دي مافي حد شافها في زمنا دا وهو عبارة عن علاقة مصنوعة من حبل او سعف الجريد دي لازم ليها صورة عشان ما قادر اوصفها

نقرتين لعرض الصورة في صفحة مستقلة

اعتقد كدة واضح كانوا بيعلقوا فيه باقي الاكل في حلة برة في الهنبريب عشان ما يخرب يعني ثلاجة المساكين

6 / التبروقة : مصنوعة برضوا من سعف الجريد زي البرش دا لو كنتوا عارفين البرش البرش دا كمان ها نشرحوا لا بسيطة البرش كان بيتفرش في السرير زي المرتبة كدة
اها التبروقة دي يعني المصلاية برش الصلاة يعني
7 / العنقريب : طبعا معروف وهو السرير
8 / السعن : برضوا دي ما صعبة وهو جلد الماعز بعد تجهيزه من دباغة وربط ويوضع فيه الماء او اللبن والكبير منوا يسمي قربه بكسر القاف وتستخدم للماء في المناسبات




تابعونا عن قريب
العنقريب مصنوع من الخشب بينما السرير مصنوع من الحديد.






التوقيع

((كن صادق مع ربك )).
    رد مع اقتباس
قديم 03-23-2012, 12:17 AM   رقم المشاركة : 5
Mutawkil M
.:: عضو متمـيّز ::.
 
الصورة الرمزية Mutawkil M





Mutawkil M غير متواجد حالياً

افتراضي

عرف الاتي :- الكبنقولة.....2-المضراية بي ضم الميم.






التوقيع

((كن صادق مع ربك )).
آخر تعديل Mutawkil M يوم 03-23-2012 في 05:22 AM.
    رد مع اقتباس
قديم 03-23-2012, 12:40 AM   رقم المشاركة : 6
احمدابوسامح
Moderator
 
الصورة الرمزية احمدابوسامح





احمدابوسامح غير متواجد حالياً

افتراضي

اقتباس:
المشاركة الأصلية كتبت بواسطة mutawkil m مشاهدة المشاركة
مشكور ابوسامح علي طرح الموضوع .طيب يا ابو سامح مع انو انت يظهر لي حتكون اكبر مني والمثل بيقول اكبر منك بي يوم اعرف منك بي سنة. عرف الاتي1-البروه بي فتح الباء .2-الفروه بي فتح الفاء .3- الكشر بي ضم الكاء . 4- الدونكاء.5-الجفان .5- الواوير.6- العرديب ((ليس هو المشروب )).7-الشده ((جمع شدات وليس شدائد)).8-القورموجتان.9-الماروق.9-الاورم 10- الببل بي ضم الباء.11-الككر .12-البق بق بي ضم الباء 13-المقسان 14-الكروووق. 15-الكبك بي فتح الباء .16- الشرقرق.17-المنقاش.بي ضم الميم.18-العرقووب .
مساك الله بالخير اخي الكريم متوكل والله انا ما عارف مين فينا اكبر سننا لكن قطع شك انت اكبر مني مقاما اولا شاكر علي مرورك وتعليقاتك وكمان جايب لي كم سؤال كدة حيرتني عديل لانوا فيها اشياء كثيرة يمكن اكون ناسيها لكن بحاول اشرح البعض :
1 / البروة اعتقد هي صابونه زمان كان في صابونة كبيرة لما تبقي صغيرة تسمي البروة لكن في ناس المحارة بيستخدموا شي مع المسطرين صغيرة كدة بينعموا بيها الاسمنت بعد اللياس
2/ الفروة دي عارفها بلحيل كنت بتغطي بيها مع حبوبة في الشتاء وتدفي حلو زي البطانية اليوم
3/ الكشر وهو المفتاح بس مصنوع من خشب وكبير
4/ الدونكا هو المطبخ وفي الاصل من كلمتين الدوي كا الديو بالرطانة يعني الصاج وكا يعني البيت يعني بيت الصاج وهو التكل اي المطبخ
5 / الواور هو عبارة عن عود او خشبة مربوط بحبل من الجانبين في سقف المنزل وذلك لوضع الملابس فيه يعني زي الدولاب الان
6/ العرديب بجد ما عارف غير المشروب وهو التمر هندي
7/ الشدة هو عبارة عن حذا مصنوع من البلاستيك وفي منه لون ابيض كنا بنلبسوا في المدرسة وفي منوا لون اسود للمناسبات والبيت وكنا لما يشتروا لينا شدة بيضاء يوم وقفة العيد نلبسها من في الليل وننام بيها للصبح عشان العيد
8/ القور موجنان ما فاهم معناها
9 / الماروق هو السماد للزراعة اكرمك الله هو روث البقر يا ما خمينا الماروق من بيت البهايم واديناه للموالح زي شجر البرتقال
الاروم هو تراب او غبار اسود يصيب الزرع وهو نو ع من امراض الفول او اي نبات او حتي الشجر خاصة البلح
10/ الببل اي الرمال الساخنة او الدافية في وقت الظهيرة
11 / الككر هو عبارة عن كرسي صغير يستخدم في المطبخ للجلوس فيه اصغر من البنبر
معليش الباقي باكر عشان اقدر اكتب بمزاج كدة صحح لي ديل الاول واشوف المستوي









التوقيع

ربي أجعلني مقيم الصلاة ومن ذريتي ربنا وتقبل دعاء

    رد مع اقتباس
قديم 03-23-2012, 04:44 AM   رقم المشاركة : 7
Mutawkil M
.:: عضو متمـيّز ::.
 
الصورة الرمزية Mutawkil M





Mutawkil M غير متواجد حالياً

افتراضي

مشكووور ابوسامح علي التعقيب ومنتظرين منك المزيد . اما بالنسبة لي تعريف القور مو جتان ؟ ده نوع من القش تلقاه دايما بقوم في الارض التي لا تسرب الماءفيها بسرعة وجدودنا بيسموها بالارض الجلباق وعلي ما اظن كده سميت بهذا الاسم لانو المزارع طول اليوم بيكون بيجلبق فيها من كثرة الكروكي الي فيها طبعا كلمة
كروكي
دي قطع شك بتكون عارفها ولا ماك عارفها ؟






التوقيع

((كن صادق مع ربك )).
    رد مع اقتباس
قديم 03-23-2012, 05:18 AM   رقم المشاركة : 8
Mutawkil M
.:: عضو متمـيّز ::.
 
الصورة الرمزية Mutawkil M





Mutawkil M غير متواجد حالياً

افتراضي

العرديب هو عود يتربط فية القفاف ويوضع علي السرج .طبعا ده بيكون عارفنو ا الناس الزارعين بالجزيرة الخضار وكلو ا يوم انثين بيجيبو ا بيهوا الخضار في السوق.جزيرتناطبعا ما جزيرة ود مدني.






التوقيع

((كن صادق مع ربك )).
    رد مع اقتباس
قديم 03-23-2012, 06:11 AM   رقم المشاركة : 9
هجربي أصلي
.:: عضو متمـيّز ::.
 
الصورة الرمزية هجربي أصلي





هجربي أصلي غير متواجد حالياً

افتراضي

دخانكم يدخن وجوعكم يمحن
ترى الدخان من المطبخ و تشم الرائحة وناس البيت ضعاف







التوقيع

لن أجعل مشاعري أرضا يداس عليها
بل سماء يتمني الأخرون الوصول اليها

    رد مع اقتباس
قديم 03-23-2012, 06:17 AM   رقم المشاركة : 10
Mutawkil M
.:: عضو متمـيّز ::.
 
الصورة الرمزية Mutawkil M





Mutawkil M غير متواجد حالياً

افتراضي

عرف الاتي ؟ يا ولد ما رق ماشي وين في الخماسين دي .تعال اطلع ارقد في عنقريبك ده .2-الليلة الدنيا مكركبة الله يستر ما تجينا مطره.يا ولد انا ما قاعده اناديك مالك مصهيني كده؟






التوقيع

((كن صادق مع ربك )).
    رد مع اقتباس
قديم 03-23-2012, 06:30 AM   رقم المشاركة : 11
Mutawkil M
.:: عضو متمـيّز ::.
 
الصورة الرمزية Mutawkil M





Mutawkil M غير متواجد حالياً

افتراضي

اقتباس:
المشاركة الأصلية كتبت بواسطة هجربي أصلي مشاهدة المشاركة
دخانكم يدخن وجوعكم يمحن
ترى الدخان من المطبخ و تشم الرائحة وناس البيت ضعاف
من جوه هل هل الله ومن بره يعلم الله.






التوقيع

((كن صادق مع ربك )).
    رد مع اقتباس
قديم 03-23-2012, 07:12 AM   رقم المشاركة : 12
هجربي أصلي
.:: عضو متمـيّز ::.
 
الصورة الرمزية هجربي أصلي





هجربي أصلي غير متواجد حالياً

افتراضي

!







التوقيع

لن أجعل مشاعري أرضا يداس عليها
بل سماء يتمني الأخرون الوصول اليها

    رد مع اقتباس
قديم 03-23-2012, 08:11 AM   رقم المشاركة : 13
Mutawkil M
.:: عضو متمـيّز ::.
 
الصورة الرمزية Mutawkil M





Mutawkil M غير متواجد حالياً

افتراضي

ناكل مما نزرع ونصنع مما نزرع ونعمل بما نسعي ؟ ماء شاء الله سعايه جد.






التوقيع

((كن صادق مع ربك )).
    رد مع اقتباس
قديم 03-23-2012, 08:39 AM   رقم المشاركة : 14
هجربي أصلي
.:: عضو متمـيّز ::.
 
الصورة الرمزية هجربي أصلي





هجربي أصلي غير متواجد حالياً

افتراضي

كلام جبوبات نجيض ممنوع دخول الحناكيش









التوقيع

لن أجعل مشاعري أرضا يداس عليها
بل سماء يتمني الأخرون الوصول اليها

    رد مع اقتباس
قديم 03-23-2012, 11:04 AM   رقم المشاركة : 15
احمدابوسامح
Moderator
 
الصورة الرمزية احمدابوسامح





احمدابوسامح غير متواجد حالياً

افتراضي

هجربي دا شنو يا ود الاصلا انت جيت وحليت الكلام الله يحلي ايامك
متوكل ماسكني ليك من امس في الليل ما اداني النوم خاتي لي امتحان تقول دي معناها شنو ودي اسمها شنو وانت اكبر مني ومنفرد بي عديل
كدة انت جيت بقيت عندي ظهر كدة يا متوكل اسال اي سؤال تاني لو انا ما عرفتوا هجربي بيرد عليك
ولا مو كدي يا هجربي يا اصيل
اها قبل ما انسي يا هجربي ما تشوف لينا شي تاني من ود اليمني دا
وياريت تكون بتاعت كليبتن والدي فوق كوم الزبالي

جمعتكم مباركة الاقوم اجهز للصلاة

جاااااااااااااااو الله والرسول







التوقيع

ربي أجعلني مقيم الصلاة ومن ذريتي ربنا وتقبل دعاء

    رد مع اقتباس
قديم 03-23-2012, 11:39 AM   رقم المشاركة : 16
هجربي أصلي
.:: عضو متمـيّز ::.
 
الصورة الرمزية هجربي أصلي





هجربي أصلي غير متواجد حالياً

افتراضي

الاخ الحبوب ابو سامح هاك قصة الكلبة وسوف احاول انزال القصيدة كامله


!







التوقيع

لن أجعل مشاعري أرضا يداس عليها
بل سماء يتمني الأخرون الوصول اليها

    رد مع اقتباس
قديم 03-23-2012, 11:42 AM   رقم المشاركة : 17
هجربي أصلي
.:: عضو متمـيّز ::.
 
الصورة الرمزية هجربي أصلي





هجربي أصلي غير متواجد حالياً

افتراضي

الكلبة

أصغوا لي وأسمعوا يا زماله
حقيقة وحاصلة مو ساكت قوالة

كلبة والدة فوق كوم الزبالة
محجوب كلموه فات مشاله
مستعجل قبل ياخد سؤاله
بي فد طلقة يتم بي عياله

كلبة في بيوت عجبين سكونا
تتحدوها تدخلوا في شؤونا
قدر ما كشرت ومرقت سنونا
بي فد طلقة أتم بي عوينا

بعد سلخوها واجتمعوا الرجاله
وكل الشاف له قوطة سمينة شاله
أخوياً لينا شغال في أم جلالة
قال ناولوني ماعون حتى لو كان شواله

بعد شحدوا البرش طوالي فروه
وفرحان بابكر مما يسره
وصفق إيديه وقال يا أخوانا تروه
وكل الما هو قادر لا نضره

أكلوا وخلوه ما باقي شروه
بعزل حقي في منديل واصرُه
البيعضي ولادنا لابد نضرُه
وأصله سعراً حايم الله يكافي شره

عبله وصدفه زعلانات يحدرو
وحداد لمدة أسبوع ما ينجرو
ولا إن شافوا الحرامي وراه يجرو
ولا في السهله من الحوت يفطرو

الحقيقة هي لونه زرق وصوفه يرهز
وكل الشافه أول مرة قال عز
أتاريه الدنيا ماشي عليها حزحز
وبي واحد عيار نافوخع بزبز

وكمان عبدالرحيم أحمد حضيري
قال سيبوا الغلبة والحجة الكتيري
اللحم جيبوه جوه من الهجيري
الراس أوعكم تدوه غيري
أنا زولاً نفسي بالتقسيم جديري
وأنتوا شوفوا لي المكرضمي والكبيري

الحوش كتمه ومرتفعي الحرارة
وفضيل يهرج موقف فوقنا غارة
قال: أدوني كوم لي واتنين لي جبارة
العشرين قرش راح خسارة
حضر بي غفلة عثمان ود بشارة
وفرش طرفه قال جيبوا المرارة

سلمان أصله شارف وزيه ما في
جاهم واحدةِ لابسهِ وواحدِ حافي
لا قولة سلام لا قال عوافي
وفتحة خشمه قال يا ديل قفافي
أدوني الفوت شوفوا الخلافي
نص كون كوستيليته وباقيه صافي

عمي الحاج كمان راجل مصلي
قال يا ابني نظرك مو مجلي
وتنشين لا هو واطي ولا معلي
بس لكن قوي وما بينوكللي

شويتين مو كتير جاهم خليفة
قال الراس أسلخوه سوه نفيه
يتوكل وحده ولا مع رغيفة
وصفوا المرقة في الباطن نضيفة

والليلة التوم كومه قال ظلموه فيه
جا شايله براه داير يسلقوه ليه
ساد حوشه ومتاقي البيت عليه
في شان لا ضيف ولا شحات يجيه

أحمد حمزة قال حصانه جراي
يفج في الناس يعاين جاي وبي جاي
فرصه سعيدة قال بعملكم رأي
قال نعملها شية تستاكل مع الشاي

كما عوض الكريم يبدي ويرائي
شاف اللمة قال شني الحكاية
هسي دي كرامة ولا محل سماية
اللروح أجيب ما عوني جايي

سيدأحمد بعيد لكنه عشمان
بيقدر يصل حارس له دكان
أرسله كومه صحبة أي إنسان
وبالتقرره المجموعة قبلان

عبدالرحيم الحاج ينقنق وما هو راضي
وقال كومين قليلة على ولادي
ممحوق وأشوى من لحم الجدادي
وإنتوا شوفوا طريقة سوو لي الزيادي

باقي سعيد فضيل بالحيل مدروش
يمط القوطة طول مترين وينتش
وقال والله مو هش
ومزه متل دي دايري الزول يغبش

جا عبدالله أخوه بالليل بيهرش
وقالب عينيه حمرا وما بيرمش
وقال أصله خوتكم بقت غش
محل تقسيمه وينو نروح نفتش
بدل نقمح من الرمرام نقرمش
أتاريه السر يلوم في الناس وينبش
وغضبان يترقض متل المتلبش

الليلة خضر ود محمد نور بالحيل أتغشه
بعد ما جاب صلصته وبصله حشاه
لقاهم شالوه خلوا الواطه غبشه
طنطن وما رضى وسوالو دوشه
وغمض بالزعل من بيته طشه

فضل الله ما كان في حد طاريه
قال جاني المرسال بعد جبت خضاري
رزقاً لا ني حاريه لا ني داريه
هو شايله والضبان مباريه
قال بقسم منه لي عبدالله جاري

كل زولاً ذكرته ومني زعلان
وأصله راس القايدة عثمان عبدالرحمن
هو يشجع فيني وأنا برضي شفقان
وحاول يحفظها ويوضعلها ألحان

عطا قرمان لحم قال كله سيبوه
اليوم جمعة وكان عازم نسيبه
جدع القفة غادي وفر توبه
والطايوق مشكنه في جيوبه
و لـ كبير أخوانه لملمه بي خبوبه
كمان داسي الجلد ورافض يجيبه







التوقيع

لن أجعل مشاعري أرضا يداس عليها
بل سماء يتمني الأخرون الوصول اليها

    رد مع اقتباس
قديم 03-23-2012, 10:35 PM   رقم المشاركة : 18
تاج السر ابراهيم حسين
.:: عضو متمـيّز ::.
 
الصورة الرمزية تاج السر ابراهيم حسين





تاج السر ابراهيم حسين غير متواجد حالياً

افتراضي

[quote=هجربي أصلي;46090]دخانكم يدخن وجوعكم يمحن

الاخ هجربى --بالمناسبه هذا المثل من قول حبوبتى ام ابى وهو مثل مشهور عندنا فى شبعانه قبلى(حلة الفقراء)ولك تحياتى وحقوقنا محفوظه--وتحياتى للاخ ابوسامح ومتوكل
**فائق احترامى لك**






التوقيع



ربى اسقى امى الفرح دون اكتفاءفأنى *احبها فلا ترينى فيها بأس يبكينى
آخر تعديل تاج السر ابراهيم حسين يوم 03-23-2012 في 10:38 PM.
    رد مع اقتباس
قديم 03-23-2012, 10:47 PM   رقم المشاركة : 19
تاج السر ابراهيم حسين
.:: عضو متمـيّز ::.
 
الصورة الرمزية تاج السر ابراهيم حسين





تاج السر ابراهيم حسين غير متواجد حالياً

افتراضي

اقتباس:
المشاركة الأصلية كتبت بواسطة هجربي أصلي مشاهدة المشاركة
الكلبة

أصغوا لي وأسمعوا يا زماله
حقيقة وحاصلة مو ساكت قوالة

كلبة والدة فوق كوم الزبالة
محجوب كلموه فات مشاله
مستعجل قبل ياخد سؤاله
بي فد طلقة يتم بي عياله

كلبة في بيوت عجبين سكونا
تتحدوها تدخلوا في شؤونا
قدر ما كشرت ومرقت سنونا
بي فد طلقة أتم بي عوينا

بعد سلخوها واجتمعوا الرجاله
وكل الشاف له قوطة سمينة شاله
أخوياً لينا شغال في أم جلالة
قال ناولوني ماعون حتى لو كان شواله

بعد شحدوا البرش طوالي فروه
وفرحان بابكر مما يسره
وصفق إيديه وقال يا أخوانا تروه
وكل الما هو قادر لا نضره

أكلوا وخلوه ما باقي شروه
بعزل حقي في منديل واصرُه
البيعضي ولادنا لابد نضرُه
وأصله سعراً حايم الله يكافي شره

عبله وصدفه زعلانات يحدرو
وحداد لمدة أسبوع ما ينجرو
ولا إن شافوا الحرامي وراه يجرو
ولا في السهله من الحوت يفطرو

الحقيقة هي لونه زرق وصوفه يرهز
وكل الشافه أول مرة قال عز
أتاريه الدنيا ماشي عليها حزحز
وبي واحد عيار نافوخع بزبز

وكمان عبدالرحيم أحمد حضيري
قال سيبوا الغلبة والحجة الكتيري
اللحم جيبوه جوه من الهجيري
الراس أوعكم تدوه غيري
أنا زولاً نفسي بالتقسيم جديري
وأنتوا شوفوا لي المكرضمي والكبيري

الحوش كتمه ومرتفعي الحرارة
وفضيل يهرج موقف فوقنا غارة
قال: أدوني كوم لي واتنين لي جبارة
العشرين قرش راح خسارة
حضر بي غفلة عثمان ود بشارة
وفرش طرفه قال جيبوا المرارة

سلمان أصله شارف وزيه ما في
جاهم واحدةِ لابسهِ وواحدِ حافي
لا قولة سلام لا قال عوافي
وفتحة خشمه قال يا ديل قفافي
أدوني الفوت شوفوا الخلافي
نص كون كوستيليته وباقيه صافي

عمي الحاج كمان راجل مصلي
قال يا ابني نظرك مو مجلي
وتنشين لا هو واطي ولا معلي
بس لكن قوي وما بينوكللي

شويتين مو كتير جاهم خليفة
قال الراس أسلخوه سوه نفيه
يتوكل وحده ولا مع رغيفة
وصفوا المرقة في الباطن نضيفة

والليلة التوم كومه قال ظلموه فيه
جا شايله براه داير يسلقوه ليه
ساد حوشه ومتاقي البيت عليه
في شان لا ضيف ولا شحات يجيه

أحمد حمزة قال حصانه جراي
يفج في الناس يعاين جاي وبي جاي
فرصه سعيدة قال بعملكم رأي
قال نعملها شية تستاكل مع الشاي

كما عوض الكريم يبدي ويرائي
شاف اللمة قال شني الحكاية
هسي دي كرامة ولا محل سماية
اللروح أجيب ما عوني جايي

سيدأحمد بعيد لكنه عشمان
بيقدر يصل حارس له دكان
أرسله كومه صحبة أي إنسان
وبالتقرره المجموعة قبلان

عبدالرحيم الحاج ينقنق وما هو راضي
وقال كومين قليلة على ولادي
ممحوق وأشوى من لحم الجدادي
وإنتوا شوفوا طريقة سوو لي الزيادي

باقي سعيد فضيل بالحيل مدروش
يمط القوطة طول مترين وينتش
وقال والله مو هش
ومزه متل دي دايري الزول يغبش

جا عبدالله أخوه بالليل بيهرش
وقالب عينيه حمرا وما بيرمش
وقال أصله خوتكم بقت غش
محل تقسيمه وينو نروح نفتش
بدل نقمح من الرمرام نقرمش
أتاريه السر يلوم في الناس وينبش
وغضبان يترقض متل المتلبش

الليلة خضر ود محمد نور بالحيل أتغشه
بعد ما جاب صلصته وبصله حشاه
لقاهم شالوه خلوا الواطه غبشه
طنطن وما رضى وسوالو دوشه
وغمض بالزعل من بيته طشه

فضل الله ما كان في حد طاريه
قال جاني المرسال بعد جبت خضاري
رزقاً لا ني حاريه لا ني داريه
هو شايله والضبان مباريه
قال بقسم منه لي عبدالله جاري

كل زولاً ذكرته ومني زعلان
وأصله راس القايدة عثمان عبدالرحمن
هو يشجع فيني وأنا برضي شفقان
وحاول يحفظها ويوضعلها ألحان

عطا قرمان لحم قال كله سيبوه
اليوم جمعة وكان عازم نسيبه
جدع القفة غادي وفر توبه
والطايوق مشكنه في جيوبه
و لـ كبير أخوانه لملمه بي خبوبه
كمان داسي الجلد ورافض يجيبه
تسلم والله ياهجربى وكثير حلو ابداعاتك ربنا يطول فى عمرك وعمر الفنان القامه ود اليمنى يارب0






التوقيع



ربى اسقى امى الفرح دون اكتفاءفأنى *احبها فلا ترينى فيها بأس يبكينى
    رد مع اقتباس
قديم 03-24-2012, 12:17 AM   رقم المشاركة : 20
احمدابوسامح
Moderator
 
الصورة الرمزية احمدابوسامح





احمدابوسامح غير متواجد حالياً

افتراضي

الاخوان الاعزاء متوكل وهجربي وتاج السر لكم كل الود والتحية الاحترام علي مداخلاتكم واحياء هذا البوست ونتمني ان يكون اعجب القراء ما قدمناه مع بعض

ولا انسي انني وعدتكم بان اكمل مشواري كلام حبوبات وشرح بعض المسميات
يلا نشوف عشان ما نسرح في الكلام

9 / الغباشة : العباشة هي عبارة لبن روب مضاف اليه موية بااااااااااااردة يقطع العطش ويهضم الاكل احسن من اكتيفيا
10 / ام تكشو : يتم تحضيرة كالاتي تغلي ماء ويضاف اليه مسحوق الخضرة ( الملوخية المجففة ) الناشفة يعني بدون لحمة ولا يحزنون يطلع ملاح حلو شديد
11 / ام شعيفة : بنفس طريقة ام تكشو بس بدل الملوخية دي بالويكة الناشفة زي الويكة البيضاء كدة وتسمي حاليا ام رقيقة
12 / العكارة بضم العين : الكسرة المخموجة بالموية والسكر
13 / السبلوقة : مصنوع من عود النخليل او من صفيح معمول نصف دائري ويستخدم في تصريف مياه الامطار من سقف البيوت
14 / الركوة : وهو الابريق المصنوع من الفخار



كدة احفظوا ديل عشان ما نكثر عليكم

ولا زلنا لدينا المزيد

تابعونا نقرتين لعرض الصورة في صفحة مستقلة

فاصل ونواصل







التوقيع

ربي أجعلني مقيم الصلاة ومن ذريتي ربنا وتقبل دعاء

آخر تعديل احمدابوسامح يوم 03-24-2012 في 12:20 AM.
    رد مع اقتباس
قديم 03-24-2012, 12:57 AM   رقم المشاركة : 21
Mutawkil M
.:: عضو متمـيّز ::.
 
الصورة الرمزية Mutawkil M





Mutawkil M غير متواجد حالياً

افتراضي

الاخوان تاج السر _هجربي-ابوسامح خليكم قراب ما تبتعدوا .اها نقول بسم الله ونبدا . الكلمة الما بتعرفوها قولوا لي بفتشى ليكم في قاموس الحبوبات وبنكتا وبجيبا ليكم ما تخافوا . عرف ؟ ابحث ؟أسال ؟ 1-الجمنتوت؟ 2-الجمام ؟3- الشنقلا لوووت ؟4-الجبة؟ 5-الهون 6- الطاقة ؟7-الشبشيبله؟8-البعشووم؟9-الصرجاء 10-الدقفاؤل11-العناق 12-العبور 13-العنبلووق 14-الطفطاف 15-الكشيق16-ابو الدقيق17-الجعرانة18-الدبيان19-الدبلان20-الربرووب 21-الكركرتي بي ضم الكاف الثانية22-الاوس كرتي23-متروومل24-فرناقة25-القيرة وانة26-اللقيشي السبرووق28-الحلق.نرجوا المشاركة والبحث في قاموس الحبوبات...مع خالص تحياتي لكم.






التوقيع

((كن صادق مع ربك )).
    رد مع اقتباس
قديم 03-24-2012, 11:07 AM   رقم المشاركة : 22
احمدابوسامح
Moderator
 
الصورة الرمزية احمدابوسامح





احمدابوسامح غير متواجد حالياً

افتراضي

اقتباس:
المشاركة الأصلية كتبت بواسطة mutawkil m مشاهدة المشاركة
الاخوان تاج السر _هجربي-ابوسامح خليكم قراب ما تبتعدوا .اها نقول بسم الله ونبدا . الكلمة الما بتعرفوها قولوا لي بفتشى ليكم في قاموس الحبوبات وبنكتا وبجيبا ليكم ما تخافوا . عرف ؟ ابحث ؟أسال ؟ 1-الجمنتوت؟ 2-الجمام ؟3- الشنقلا لوووت ؟4-الجبة؟ 5-الهون 6- الطاقة ؟7-الشبشيبله؟8-البعشووم؟9-الصرجاء 10-الدقفاؤل11-العناق 12-العبور 13-العنبلووق 14-الطفطاف 15-الكشيق16-ابو الدقيق17-الجعرانة18-الدبيان19-الدبلان20-الربرووب 21-الكركرتي بي ضم الكاف الثانية22-الاوس كرتي23-متروومل24-فرناقة25-القيرة وانة26-اللقيشي السبرووق28-الحلق.نرجوا المشاركة والبحث في قاموس الحبوبات...مع خالص تحياتي لكم.
متوكل انت قاصدني عديل لكن اقول ايه ها احاول ابيض وجهك
1 / الجمنتوت ولا اللمبة تود ولا النقوتود كلها دي مسميات دخل فيها الرطانة بشدة اعتقد هي اللمبة الصغيرة الكانت تعمل بالجاز وخاصة في المطبخ لمبة التكل والله اعلم
2 / الجمام هو الرمال المبلل بالماء طرف البحر بعد نزول البحر
3 / الشنقلالوووت دي ما اخدنهاش في المدرسة
4 / الجبة اها الجبة والقفطان دي لبسة كانوا بلبسوها للواحد يوم الطهورة
5 / الهون معروف مصنون من الخشب يسختدم في المطبخ يدقوا فيه البهارات والثوم والبن وكل لوازم المطبخ وفي منوا الهون الحديد او الالمونيوم الان جاء مكانه الخلاط لسحن البهارات
6 / الطاقة هي فتحة صغيرة في الجدار بتكون فوق قريب السقف لتهوية الغرفة
7 / الشبشبيلة طائر صغير زي الصقر بيجي العصر يخطف السواسيو والسواسيو زاتها هي الفراخ الصغيرة
8 / البعشوم هو الثعلب
9 / الصرجاء يلعن شيطانك اعتقد نوع من الطيور او الحشرات ناسيها
10 / الدقفؤل ماعارفها بجد
11 / العناق
12 / العبور ولد الخروف او النعجة الصغيرة
13 / العنبلوق ولد الماعز اصغر من السخلة
14 / الطفطاف
15 / الكشيق بضم الكاف وهو في تحت النخلة يا اخي لما يحشوا التمر تلاقي التمر انحشر تحت النخلة بين العبج وتحت النخلة لو في نخل ملاصق او المهم وصلت المعلومة حدك هنا
16 / ابو الدقيقة و الجعرانة و الدبيان كلها حشرات واعتقد الدبيان هو الثعبان الدبيب واي حشرة بيسموها الدبيان
20 / الدبلان نوع من القماش
21 / الربروب وهو الطمي السائل ايام ما ينزل البحر بعد الفيضان
22 / الكركرتي وهو لما ينشف الربروب زاتوا ولما ينشف يتشقق
23 / الاوس كرتي ؟؟؟؟
24 / متروومل يعني فيه رمال
25 / فرناقة رملة وحل اي اذا مشي فيها شي يغرس او يوحل زي ما بنقول زي تراب الباجة زمان
26 / القيروانة هي الصفيحة او الجالون الكبير انقرضت واستبدل مكانها البلاستيك
27 / اللقيشي اول لبن حليب يطلع من الام يوم الولادة بدايه الحليب ليه اسم علمي ناسيه
28 / السبروق نوع من انواع الخضار ملاح السبروق بيطلع رباني كدة مع الزاراعة عامل زي ورق الويكة

ان اصبت فمن الله وان اخطأت فمن نفسي ومن الشيطان




شوف كدة وراجع يا وكل ولو في شي ما صح اعيد الترجمة

تحياتي






التوقيع

ربي أجعلني مقيم الصلاة ومن ذريتي ربنا وتقبل دعاء

آخر تعديل احمدابوسامح يوم 03-24-2012 في 11:15 AM.
    رد مع اقتباس
قديم 03-25-2012, 04:47 AM   رقم المشاركة : 23
Mutawkil M
.:: عضو متمـيّز ::.
 
الصورة الرمزية Mutawkil M





Mutawkil M غير متواجد حالياً

افتراضي

ابو سامح صباح الخير ومشكور جدا جدا علي مجهودك الجبار معليش يا اخي والله تعبتك معاي. الجمنتوت:-هو عرق الطرفة الصغيرة ودايما يستعمل كصوت لي رعي البهايم أكرمك الله . الصرجاء((ولا السرجاء)).بي ضم السين او الصاد هي الشبشبلة.وهي بالرطانة علي ما اظن واعتقد والله اعلم. الطفطاف:-هو نوع من انوع البلح . الطقطاقة :- عرجونة تشق من الجانبين وعندما تقوم بتحريكه تصدر صوتا ((دي طبعا بيلعبوا بيها الصغار )). الدكفاؤل :-الفول المات من كثرة المياه .او تمت زراعة في اراضي غير صالحة لزراعتة. الكبنقلة:-هي قرعة كبيرة يوضع فيها اللبن ويعلق في المعلا ق .طبعا خوفا من القطط اقصد الكدسة. العناق او العناك :-هي التي فاتت مرحلة الطفولة .((يعني اكبر من السخلةاو السخيلةبي شوية كده)) . الكوم شبر :-هي قفاف ومفردها قفة مقدودة من تحت .وتستخدم لحمل التراب و((سيوة اللياسة))لياسة الحريم.باليدين . طبعا كان زمان ولا ماكده ؟؟ الخرطاية :-حملنا فيها الكتب والكراسات حتي الصف السادس الابتدائي .((ذي كيس المخده كده بس فيها يد)). السلوكة :-هي عبارة عن عود معوج يحفر به الارض بعد نزول الفيضان.






التوقيع

((كن صادق مع ربك )).
    رد مع اقتباس
قديم 03-25-2012, 07:12 AM   رقم المشاركة : 24
Mutawkil M
.:: عضو متمـيّز ::.
 
الصورة الرمزية Mutawkil M





Mutawkil M غير متواجد حالياً

افتراضي

وما زلنا مع حبوبة وكلماتها . الفقر:-تحت الاذنين .((الفقر بي كسر الفاء )). الشنقلا لووت :-المرجحانية. الناظر :-مدير المدرسة. التمتم:-بي ضم التاء الدلوكة محل الدلوكة . الإزبتالية:-المستشفي . الشفخانة:-وهي عبارة عن مستشفي صغيرة بها اسعافات اولية . السيداب:-وهوعبارة عن مظلة((كرقة يعني)) قصيرة جدا جدا وبها كمية من الحطب((من العيدان الكبار))يوضع عليها المحاصيل خوفا من الارضة. الارضة شايفنها ولا نشرحا ليكم.طيب نشرحا ليكم ما مشكلة وهي النمل الاصفر .((غير نمل السكر)). الوردة:-بي ضم الواو وليست الوردة وهي الحمى .((سخانة الجسم)). القورجين :-نمل كبير الحجم. الرتيلا:-نمل كبير الحجم واسود اللون وعضتوا حاره بالحيل احرى من اكل الشطه الخضراء . الخته:-بي فتح الباء وهي الصندوق .وهو ادخار المال مع مجموعة من الافراد. الوهيط:-الوسيع اي الفسيح او المريح.الزنبعوق :-من لا عمل له ومتجول ولا يهتم بعمله ويحسنه .الصعلوق:-من يهتم بالامور التافهة ولا يهتم بالامور النافعة .الكلس :-وهي كلمة تقال للذي يجيد عمله ويتقنه. وهو اسم من اسماء ادوات الساقية .وهوالحبل الذي يربط به قواديس الساقية علي ما اظن واعتقد. وإلي اللقاء ومنتظرين منكم الاراء والمداخلات والردود ودمت في اماني الله ورعايته.






التوقيع

((كن صادق مع ربك )).
    رد مع اقتباس
قديم 03-25-2012, 10:57 AM   رقم المشاركة : 25
احمدابوسامح
Moderator
 
الصورة الرمزية احمدابوسامح





احمدابوسامح غير متواجد حالياً

افتراضي

الاخوان الاعزاء اها اليوم جاييكم بخبر جديد من حبوبة سألتها عن شغل جدودنا زمان وحكت لي عن الساقية فقالت
ما تجو نشوف قالت شنو
نقرتين لعرض الصورة في صفحة مستقلة

نقرتين لعرض الصورة في صفحة مستقلة



تتكوّن الساقية من أجزاء سوف نذكرها بأسمائها المعربة أو بالرطانة التي تعرف بها وهي : ـ

1/ الحلقة وبنت أم حِليِقة وهي عبارة عن ترووس الساقية وتصنع من خشب السنط وتتكوّن من سندقيق وهو عبارة عن أسنان الترس أخشاب تخرط بطريقة معينة في شكل دائري وتربط مع بعضها بواسطة جلد بقر ( القد ) يركب السندقيق علي الشكل الدئري حيث تعطي شكل الدائرة ، تركب الحلقة علي المشّق وهو عبارة عن مِرق من السنط منشور في شكل مربّع الأجناب ومخروط الطرفين يركب ترس الحلقة في وسطه وهو يصل بين الديو أعلي والكديس أسفل. الحلقة البنت ، بت( أم حليقة) تثبت علي طرف التوريق الذي يوصلها بالدولاب .( العطفة ) تدور بالقواديس حاملة المياه . وهي الدولاب

الكَالِيق :

هو عبارة عن خشبة مستطيلة طولها ربع متر وسمكها 1 متر يثبت عليها التوريق من طرفه الذي علي البر أي حيث تثبت بت أم حليقة.

التَكُم : عود طويل له فرعان يركب علي ثقب مربع وسط المشّق وينسج الفراغ الذي بين الفرعين بحبل ويجلس عليه الأروتى.

البِدْقُوق الضَكَر : وهو عود غليظ يحمل عليه أحد طرفي الديو

البِدْقُوق الإنتَاية : وهو أيضاً عود له شعبة يشبه البدقوق الضكر ولكن أقل منه سمكاً يحمل عليه الطرف الثاني من الديو .

الأركْاقَة : هذه بمثابة المقياس الزمني لدورة الساقية وهذه الدورة تعرف بالتتق

القُرُمُدِي : وهو حبل غليظ يربط بين الإسناق والتكم .

الإسَناق : عود مصنوع من شجر الحراز يوضع علي رقاب البقر التي تجر الساقية

القُشّق : هو عود طوله متر تثبت به الساقية بعد أن توقف أي بمثابة فرملة.

العُطْفة : تتكون العطفة من فاشوق وترنتريق وألوين وحبال ، توضع أربعة فاشوقات في وضع متقاطع لتعطي شكل الدولاب كجزء خارجي وتوضع اربع فاشوقات أخري كجزء داخلي والمسافة بينهما نصف متر ويتصل الجزءان بواسطة الترنتريق ليعطي شكل الدولاب ثم يحاط بحبل هو الإلوين ويمر بوسط هذا الدولاب الألس .

التُورِيق : وهو عمود طويل سميك ينجر بشكل مربع يربط بين بت أم حليقة والعطفة ويوضع طرفه الداخلي علي عود يعرف بالكاليق مثل عمود طوالي .

الإسَتِكَاق : وهو عود طويل في شكل مرق محمول علي شعب ويحمل التوريق في الإتجاه الذي تركب فيه العطفة ويوضع عليه الدرو أيضاً .

الألَسْ : حبل سميك يصنع من جريد النخل أو الحلفا أوسعف الدوم يثبت عليه لقلوق وتثبت علي هذاللقلوق القواديس بواسطة الحبال.

اللَقْلوقُ : هو عود في حجم المدق طولاً وسمكاً يصل طرفي الألس وتثبت عليه القواديس

القَوَادِيس : هي عبارة عن جرار صغيرة تشبه القلل ولها قاعدة في شكل دائري يربط كل قادوس علي اللقلوق. يصل الألس بين العطفة والكوديق ويرفع الماء بواسطة القواديس لتصب في الدروة
الكُودِيقْ : وهو الحفرة التي أسفل الساقية مباشرة حيث يوجد الماء الذي تحملة القواديس .
القَوَتِي : هو الحفير الذي يصل بين الكوديق والنيل .
الإشِيقيِر : وهو عود طويل رفيع يوضع بشكل مخلوف لمينع إحتاك طوفي الألس ببعضهما أثناء دوران الساقية حفاظاً علي سلامة القواديس ويعرف بالتومات .
الكَرَان : هو صريف أو ساتر من الجريد يعمل لحماية المياه التي تصب من القواديس إلي الدرو من الرياح .
الشُعَب : هو مجموعة من العيدان ذات الفرقات لحمل المروق التي تحمل الساقية .
المِروُق : وهي عيدان متينة يرص عليها الحطب لتكون شبيهة بسقف المنزل حيث يمد عليها التوريق ليصل العطفة والإستكاق وتمر من فوقها الأبقار التي تدير الساقية وهذا السقف يسمي ( الجبتّي .

السِبلوُقة : وهو ساق دوم أو نخلة منحوت يصب فيه الماء الذي تحمله القواديس ويوصله بدوره إلى القلابة.







التوقيع

ربي أجعلني مقيم الصلاة ومن ذريتي ربنا وتقبل دعاء

    رد مع اقتباس
قديم 03-25-2012, 01:06 PM   رقم المشاركة : 26
عبدالرحمن واشى
.:: عضو متمـيّز ::.
 
الصورة الرمزية عبدالرحمن واشى






عبدالرحمن واشى غير متواجد حالياً

افتراضي

اقتباس:
المشاركة الأصلية كتبت بواسطة احمدابوسامح مشاهدة المشاركة
مصطلحات سودانية منسية مع مرور الزمن وشبه انعدمت مع التقدم والعولمة
وكانت مستخدمة في الاجيال السابقة زمن حبوباتنا رحمهن الله وبعض من الامهات ولكن لو جيت مسكت الاجيال الحالية وسألت واحدة او واحد معني اي مصطلح من هذه المصطلحات يقعد يفكر ويمكن ما يعرفها وانا شخصيا حصل معي موقف لما زرت السودان من كم سنة وسألت البعض عنها فوجدتهن لا يعرفن شي عنها وقالوا الزمن اتغير
المهم تعالوا نشوفها وعلي سبيل المثال لا الحصر
1 / المعراكة : بضم الميم يعني شنو المعراكة هي قطعة من القماش لزوم مسح الصاج قبل العواسة وتسمي البسديق بضم الباء
واكيد محدش بيعرفها عارفين ليه لانوا محدش بتعوس اصلا
2 / الخمارة : بضم الميم وهو عبارة عن إناء مصنوع من الفخار لتخمير العجين للعواسة برضوا شبة انعدمت
3 / السيارة لاتفتكرونها انها العربية طبعا لا هي فعلا السيارة الطايووق ( ولا اعرف يعني ايه الطايووق ) ولكن هو ما يمسح به الصاجة والصاجة نفسها اسمها الدوكة برضوا انعدمت او تغير شكلها وبقت من التيفال الفرنسي الاصلي وبقت كمان تستخدم فوق البتوجاز وكمان شفت صاجة اقصد دوكة فيها موزع للحرارة تلاقي فيها دوائر من ناحية النار فوق البتوجاز
تعيش كثير تشوف كثير اليس هذا بالتكنلوجيا
4 / اللداية وجمعها اللدايات وهي عبارة عن اربعة او ثلاث قطع مصنوعة من الطين مثل الطوب او الحجر كان يوضع فيها الحلة او الصاجة لزوم رفعها عن النار وتوقد النار تحت الحلة



تابعونا
تشوف العجب




ابو سامح الله يديك العافية . الطايوق هو المادة التى تستخرج من السلسلة الفقرية للحيوان وهى النخاع الشوكى و هى فى قوام معجون الاسنان و تشبها تماما . متوقعين المزيد . يديك العافية .






التوقيع

اللهم اسالك العفو و العافية و العمل الصالح
آخر تعديل عبدالرحمن واشى يوم 03-25-2012 في 01:08 PM.
    رد مع اقتباس
قديم 03-25-2012, 10:03 PM   رقم المشاركة : 27
Mutawkil M
.:: عضو متمـيّز ::.
 
الصورة الرمزية Mutawkil M





Mutawkil M غير متواجد حالياً

افتراضي

مشكور ابو سامح ومنتظرين منك النوريق ويا حبذا لو يكون مع الصورة وللعلم صورة النوريق موجودة باليوب توب انا كنت برفعا ليكم بس لكن ما عندي معرفة واسعة في الحاجات دي . نوريق مودة .






التوقيع

((كن صادق مع ربك )).
    رد مع اقتباس
قديم 03-28-2012, 07:03 AM   رقم المشاركة : 28
Mutawkil M
.:: عضو متمـيّز ::.
 
الصورة الرمزية Mutawkil M





Mutawkil M غير متواجد حالياً

افتراضي

الجر ...يعني الزير وجمعها جوراره.2/الجبانة....هي المقابر .3/الخرج ..جوال مشروط اي مقسوم من نصه كان يحمل فيه الماء من البحر وفي الاصغر منه لحمل الخضار والاغراض من السوق . 4/العمره والتكل ...هما الطبق.5/البوش. هو العزومة .حاليا هو الفتة.6/القبيق .وهو فخار اكبر من القلة .






التوقيع

((كن صادق مع ربك )).
    رد مع اقتباس
قديم 03-31-2012, 12:29 AM   رقم المشاركة : 29
احمدابوسامح
Moderator
 
الصورة الرمزية احمدابوسامح





احمدابوسامح غير متواجد حالياً

افتراضي

لقيت ليكم كم مثل كدة من امثال حبوبة

شوفوهم واقروهم ( كر عليكم ) على قول حبوبتي


الجاياك ما بتختاك
المقدر لك لابد أن تصيبك

بخيت شكروه قال داك شهر تانى
شخص اسمو بخيت وسط مجموعة من الناس يتحروا رؤية هلال رمضان
شاف الشهر قبلهم فشكروه قام قال ليهم داك شهر تاني

الحوت ما بهددوه بالغرق
يضرب بعدم المبالاة بالوعيد

إن جاتك في مالك سامحتك وان جاتك في نفسك بكتك
إذا رماك الدهر بمصيبة في مالك فقد سامحك بالنسبه في جسمك
أو ابنك أو عرضك

إن غلبك سدها وسع قدها
يضرب عند اليأس من الإصلاح فإذا عجزت عن سد مشكلة أو معضلة
عليك بتوسيع حجمها

اسمك خصمك يا علمك الدغاله يا علمك الهباله
يعنى من وافق اسمه اسمك وكان معك في مكان واحد ونادى شخص
بذلك الاسم فأما أن تجيبا معا فيكون المقصود الاخر فهذا من الهبالة واما
أن تسكتا معا فيكون سكوتكما عدم مبالاة وهذه الدغاله

اللعور وسط العمى يقدل
الأعور يقدل في بلد العمى (يتبختر)يضرب لمن يكون فيه نقص خفى في
الأخلاق فينصح من يجاهر بذلك النقص أو يكون به عيب حقيقة في شكله فيسخر ممن يكون به ذلك العيب اكبر مما فيه

أبوك أمير وأبوي أمير مين بسوق الحمير
أبوك أمير وأبى أمير فمن منا يسوق الحمير أي من منا يخدم صاحبه
– يضرب للمتكبرين الذين لم يتفضل إحداهما بأخذ الفضل

دخانكم يدخن وجوعكم يمحن
ترى الدخان من المطبخ و تشم الرائحة وناس البيت ضعاف

سرارة اللعوت تتلاقى يوم الموت
قرابتكم كقرابة شجر اللعوت ما تلتقي أعواده إلا عند حرقها بعد
قطعهاكذلك انتم لا تلتقون إلا عند وفاة أحدكم في الصلاة عليه – يضرب
في المبالغة في الجفا

تمشي باتا وتجي باتا برباطه
الباتا عباره عن جزمه - ويضرب المثل عند تهديد شخص بشيء ان ينزع منه او يسلب منه (شكرا ياحبوبة


الباقي باكر تصبحوا علي خير








التوقيع

ربي أجعلني مقيم الصلاة ومن ذريتي ربنا وتقبل دعاء

    رد مع اقتباس
قديم 03-31-2012, 11:33 PM   رقم المشاركة : 30
احمدابوسامح
Moderator
 
الصورة الرمزية احمدابوسامح





احمدابوسامح غير متواجد حالياً

افتراضي

مساكم الله بالخير
يا اخواني واحبائي بقيتوا تناموا بدري ولا شنو معقولة الشباب يناموا بدري كدة ويخلوا حبوبة صاحية براها
بس لقتني صاحي ووصتني عليكم وقالت لي اكمل ليكم باقي الامثال حقت امس
ما تجوا نشوف امثال الليلة شنو

اها دا باقي كلام امس

اتنين تدور غناهم راجل بتك وصاحب دينك
المال تلتو ولا كتلتو
ان تخسر جزء من المال ولا المال كلو
ارجي سفيه ولاترجي باطل
السفيه يصرف امواله في امور فراغة لكن الباطل يكون عاله علي غيره
الخيروه حيروه
الخيار بين متشابيهين صعب
الخواف ربي عياله
العترة بتصلح المشية
التور كان وقع تكتر سكاكينو
الجمل ما بشوف عوجة رقبتو
الواقعة من السما بتحملها الواطا
العود كان مافيه شق مابقول طق
اب سن بضحك على اب سنين
القفة ام اضنين بشولوها نفرين
جارك القريب ولا ود امك البعيد


النسيبة عين شمس


الصابر يعرس مرة راجل


التسوى كريت فى القرض تلقاه فى جلدها


قلِ العروض جفا


الزارعه الله فى الحجر بتقوم


حلم المطلقة فى الرجوع


بليلة مباشر ولا ضبيحة مكاشر


برضوا انتظرونا باكر في نفس الموعد عشان في حاجات حلوة

تحياتي







التوقيع

ربي أجعلني مقيم الصلاة ومن ذريتي ربنا وتقبل دعاء

    رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع




الساعة الآن 10:00 AM بتوقيت مسقط Powered by vBulletin® Version 3.8.8 Beta 2
Copyright ©2000 - 2014, vBulletin Solutions, Inc.

a.d - i.s.s.w